Sambil bajalan batutukar lauk di market Sungai Ganal tadi, ulun taparaung awan banyak kakawanan. Sapalih orang Banjar, sapalih orang Jawa. Kami gin basalaman salajur manyambat: Salamat Ari Raya – Maaf zahir batin . Mana nang Banjar, handap haja sasambatannya : Barelaanlah kita… ( Salasai sunyaannya ! - Komplet... ).
Dalam banyak-banyak nang ditamui tu ada saorang ahli PBM - Ngarannya paraya disambat di sini ! .
Hidin batakun, “ Kabila ahli PBM Sungai ganal handak maulah rumah tabuka ? “.
“ Tahuam. Kanalah takuni ka Cincirak dahulu , “ ujar ulun.
“ Cincirak tu auran tarabang ka situ ka sini haja wayahni. Maklumlah, hudah jadi sidang Parit (4) Sungai Haji Dorani. Ngalih handak bagana di rumah kaya bahari…. “ ujarnya.
Ulun sahibar takurihing mandangarkan. Saja banaran,Cincirak hudah ditauliahkan jadi sidang!. Tantu auran menyambut ‘ rakyat ‘ datang ka rumah handak baari raya.
Pandiran kami tapagat di situ. Pasalnya ‘ orang rumah ‘ datang hudah babawaan handak bulikan.
Sambil bajalan manuju ka kurita, ulun tapikir wayah bahari orang amun handak datang baari raya paraya mahadang ‘ rumah tabuka ‘ . Datang haja…Siang ka, malam ka ayu haja datang !.
Tagal wayahni jaman hudah baubah napa....Uumpatan kaya orang ‘ ganal-ganal ‘ jua kita leh !... Napa pikiran kulaan sabarataan ?
Dalam banyak-banyak nang ditamui tu ada saorang ahli PBM - Ngarannya paraya disambat di sini ! .
Hidin batakun, “ Kabila ahli PBM Sungai ganal handak maulah rumah tabuka ? “.
“ Tahuam. Kanalah takuni ka Cincirak dahulu , “ ujar ulun.
“ Cincirak tu auran tarabang ka situ ka sini haja wayahni. Maklumlah, hudah jadi sidang Parit (4) Sungai Haji Dorani. Ngalih handak bagana di rumah kaya bahari…. “ ujarnya.
Ulun sahibar takurihing mandangarkan. Saja banaran,Cincirak hudah ditauliahkan jadi sidang!. Tantu auran menyambut ‘ rakyat ‘ datang ka rumah handak baari raya.
Pandiran kami tapagat di situ. Pasalnya ‘ orang rumah ‘ datang hudah babawaan handak bulikan.
Sambil bajalan manuju ka kurita, ulun tapikir wayah bahari orang amun handak datang baari raya paraya mahadang ‘ rumah tabuka ‘ . Datang haja…Siang ka, malam ka ayu haja datang !.
Tagal wayahni jaman hudah baubah napa....Uumpatan kaya orang ‘ ganal-ganal ‘ jua kita leh !... Napa pikiran kulaan sabarataan ?
5 ulasan:
Salam,
Rumah terbuka ni memang menimbulkan masalah.
Jiran ulun sabalah rumah pun kada mahu datang ka rumah amun ulun kada maulah rumah terbuka.
Kakawanan lain damintu jua. Banyak nang mahadang rumah terbuka, hanyar mahu datang.
Selamat hari raya.
Amun diitihi matan ajaran Islam sabujurnya, tulak ziarah paraya mahadang rumah tabuka. Cumanya, kanalah jaga adab-adab ziarah. Contohnya, jangan ziarah wayah tuan rumah tangah guring !
tinjau mengulas
Salam,
Heih, saja banaran mangalihi mun rumah terbuka ni jadi budaya. Bukan barataan urang ada kamampuan masa, tanaga, kewangan, tampat dsj handak maulah rumah terbuka ni.
Bila banda tu dah jadi budaya, mun kita kada maulah, maka di sambat urang yang kada baik, nah, kita gin marajuk hati dan urang yang manyambati tu gin badusa.
Urang haloi supan datang, mun datang gin duduk di pinjung. Ngalih- ngalih.
Selamat Hari Raya
tinjau
Salam,
Yang bahari tu yang sabujurnya rumah terbuka, siapa haja dipersilakan datang, bila2 masa. Kada parlu basaruan, yang datang bujur2 ikhlas handak baziarah, kada mengharap hidangan makanan.
Yang wayahini kadanya rumah terbuka, kana basaruan hanyar datang, amun kada disaruani kada datang. Yang datang adakah niatnya handak berziarah kah atau handak makan haja. Kaya apa leh, amun rumah terbuka, dihidangakan awan biskut raya haja. Mau haja kada umpat 3 keturunan!
Di kampong ulun ari pamulaan atawa ari kadua ari raya, ada acara baraan
( ziarah beramai-ramai ). Sabarataan kaluarga kampong umpatan. Matan nang tuha salajur kakanakan. Sunyaan rumah dimasuki. Kada kira ada bawadai atawa kada.Imbah badoa handap, turunan...
Kira-kira acara baraan ni bagus atawa kada diulah ?
Catat Ulasan