Amun kadada aralnya, bubuhan Banjar di Sungai Ganal, Salangor handak maulah majlis batahagaan nang dingarani ‘ Majlis Jamuan Hari Raya Haji ‘. Wadah diulah di Balai Raya Parit (4) , Jalan Hanyar, Sungai Ganal.
Ujar Pengerusi (?) Pertubuhan Banjar Malaysia (PBM) Cawangan (?) Sungai Ganal, Haji Maad Adnan ( Kami di Sungai Ganal manyambat Sidang Cincirak haja ! ), tarikhnya pada 11 Disember 2008, ari Kamis –tiga hari imbah Ari Raya Haji. Wayahnya matan pukul 9.00 baesukan sampai parak tangah hari.
Ujar hidin lagi, majlis tu diulah hagan bubuhan Banjar di Sungai Ganal (tautamanya) bakumpulan, bapandiran salajur maulah napa-napa ‘ projek ‘ nang patut diulah andudi, kada mangira napa pahaman politik masing-masing . Orang UMNO, orang PAS atawa orang KeADILan kawa haja umpatan datang !
Sahuaran lagi, ujar Sidang Cincirak, jamuannya ‘ istimewa ‘ banar. Insya Allah , wadai kepeng kada tatinggal ( Wadai orang Banjar napa… ) . Salain tu, hidin mainta bubuhan Banjar di wadah lain , kaya di Bangi, Tanjong Karang, Shah Alam nang kapingin handak bajujualan , boleh jua datangan.
Kaluko ada nang handak bajual baju parak ada ‘ lambang ‘ kulaan Banjar, kaset, CD lagu-lagu Banjar atawa napa haja nang dipikirkan kawa payu dijual !. Atawa ada nang handak bajualan ‘ ubat gancang bagawi' hajakah !…..
Amun kadada aralnya jua , ujar Sidang Cincirak , kumpulan madihin matan nagri Pahang Insya Allah datang maulah ‘ persembahan ‘ tamasuk jua sauting acara nang disambat ‘ penglipur lara ‘ oleh orang Banjar di kampong Simpang Lima, Sungai Ganal.
Cuma sahuaran hidin manyambat, hagan maulah majlis tu parlu ada duit !. Jadi, hidin mainta bubuhan Banjar kawa mandarma RM 5.00 saurang. Kuponnya tangah dicicir wayahni. Kupon tu pulang kainak dicabut hangan cabutan ‘ ngaran batuah ‘. Bungkusan hadiahnya ada dah nang manyanggupi !.....
Ujar hidin, wayahni parak 400 orang labih hudah bubuhan Banjar nang handak umpatan. Bahara majlis tu bajaya kaya nang dilagang.
Cumanya sahuaran ulun bapadah ka Sidang Cincirak, maulah majlis tu biar sanonoh. Ujar orang pintar wayahni , biar canggih bapatutan awan bubuhan Banjar Sungai Ganal nang pintar awan saraba bisa - kada bisa mawada haja !...
Majlis tu pulang, jangan ada sasiapa nang kapingin handak manjumput munafaat saurang haja. Atawa ujar disambat orang wayahni ‘ada udang di sebalik batu ‘ . Ada jua nang manyambat ‘ ada udang di sebalik mee bandung ‘ !. Taganang ulun wayah Masyuarat Agong PBM di Parit 10 Sungai Ganal bahari!.Babulan-bulan dalam web Ayuha Bapandiran (AB) masing-masing gigir pandiran mawada haja…. Jangan jadi kayaitu lah ! )
Ulun hudah bapadah ka Sidang Cincirak, amun kadada aralnya kainak ulun kapingin maulah ‘ persembahan IT ‘ wayah majlis tu diulah. Bukan apa, handak mamadahkan ka orang Banjar nang datangan, kita hudah ada laman web bahasa Banjar , nang kawa ditiring di saluruh dunia !. Kaya ‘ Ayuha Bapandiran (AB) tu.
Sasiapa bubuhan Banjar nang kapingin umpatan kainak, kawa manalipaun hidin di nomor 013-3003152. Kupon ada hidin manyimpani….
Jumaat, 28 November 2008
Rabu, 19 November 2008
Gajih guru agama di Salangor naik !
Cuba dibaca barita di bawah ni:
Guru Kafa Selangor terbela di bawah Pakatan Rakyat
Saidah Hairan
SHAH ALAM - Manifesto negeri berkebajikan yang dilaungkan oleh kerajaan Pakatan Rakyat ketika kempen pilihan raya bukan untuk mengula-gulakan pengundi tetapi ia tetap dilaksanakan bagi menjamin kesejahteraan dan keselesaan rakyat di bawah kerajaan baru negeri Selangor.
Ini terbukti apabila lebih 4000 guru kelas al-Quran dan Fardu Ain (Kafa) akan menerima tambahan elaun dan skim insurans takaful bermula Januari 2009.
Penambahan elaun itu diumumkan oleh Menteri Besar, Tan Seri Abdul Khalid Ibrahim ketika merasmikan perjumpaan khas guru-kuru (Kafa) negeri Selangor di Stadium Melawati, Shah Alam, Isnin, 17 November lalu.
Dalam ucapan itu beliau berkata, kerajaan negeri bersama Lembaga Zakat Selangor (LZS) akan memberi tambahan elaun guru Kafa sebanyak RM261.70 daripada RM738.30 menjadi RM1,000.
Manakala Penyelia Kafa pula katanya elaun ditambah sebanyak RM338 daripada RM1112 menjadi RM1,500 dan skim insurans takaful bermula Januari 2009.
Bila manbaca barita di atas tantu sabaratan guru-guru agama ( KAFA) takurihing kasukaan. Maklumlah….wayahni tutukaran sunyaan mahal. Tamasuk juga harga lampin kakanakan !.
Ulun dihabarkan, ada sabahagian guru-guru agama ( KAFA) tu mana nang bagana di bandar-bandar, tapaksa mancari pancarian lain hagan manambah pandapatan. Nang kabanyakannya manjadi guru malajari kakanakan mambaca Quran di rumah masing-masing . Sapalih ada jua nang umpatan bajulan di pasar-pasar malam.
Mana nang banasib baik, dapat pulang maajar kakanakan ka rumah-rumah orang sugih. Tantulah bayaran mahal !.
Bila manyambut pasal maajar kakanakan mangaji ka rumah-rumah, taganang ulun wayah pamulaan jadi guru agama palatih tahun 1967 bahari. Wayah tu gajih guru agama amun ‘ gred A ‘ dapatlah labih kurang RM 140.00 sabulan. Amun ‘ gred B ‘ ( kaya jawatan ulun ) dapatlah RM 115.00 sabulan !.
Ulun suah dibawa i oleh guru agama sama sakulah , Ustaz Mohd.Nor Yusof ngarannya. Ujarnya ada orang bacari guru hagan maajar anaknya mangaji Quran ka rumahnya. Ujarnya jua , bayarannya labih kurang RM 50 sabulan. Ulun tapaksa bapadah kada sanggup, pasal kadada bamotorsikal lagi. Salain tu pulang, rumah orang tu bas kada sampai ka situ ( Ulun sahibar kawa tulak babasikar haja ka sakulahan matan wadah bagana di Kampong Baru, Kuala Lumpur ! ).
Cuba difikirkan, kawalah bagana di Kuala Lumpur kaya ulun wayah pamulaan maajar bahari ( Sakulah Kabangsaan Polis Depot, Jalan Padang Tembak KL ) bagajih RM 115.00 sabulan ?.
Bila taganang gawian bahari, guru-guru agama (KAFA) wayahni patut banar basukur ka Allah SWT !. Dapat gajih kaya orang lain ‘ ampat angka ‘ ujar……
Guru Kafa Selangor terbela di bawah Pakatan Rakyat
Saidah Hairan
SHAH ALAM - Manifesto negeri berkebajikan yang dilaungkan oleh kerajaan Pakatan Rakyat ketika kempen pilihan raya bukan untuk mengula-gulakan pengundi tetapi ia tetap dilaksanakan bagi menjamin kesejahteraan dan keselesaan rakyat di bawah kerajaan baru negeri Selangor.
Ini terbukti apabila lebih 4000 guru kelas al-Quran dan Fardu Ain (Kafa) akan menerima tambahan elaun dan skim insurans takaful bermula Januari 2009.
Penambahan elaun itu diumumkan oleh Menteri Besar, Tan Seri Abdul Khalid Ibrahim ketika merasmikan perjumpaan khas guru-kuru (Kafa) negeri Selangor di Stadium Melawati, Shah Alam, Isnin, 17 November lalu.
Dalam ucapan itu beliau berkata, kerajaan negeri bersama Lembaga Zakat Selangor (LZS) akan memberi tambahan elaun guru Kafa sebanyak RM261.70 daripada RM738.30 menjadi RM1,000.
Manakala Penyelia Kafa pula katanya elaun ditambah sebanyak RM338 daripada RM1112 menjadi RM1,500 dan skim insurans takaful bermula Januari 2009.
Bila manbaca barita di atas tantu sabaratan guru-guru agama ( KAFA) takurihing kasukaan. Maklumlah….wayahni tutukaran sunyaan mahal. Tamasuk juga harga lampin kakanakan !.
Ulun dihabarkan, ada sabahagian guru-guru agama ( KAFA) tu mana nang bagana di bandar-bandar, tapaksa mancari pancarian lain hagan manambah pandapatan. Nang kabanyakannya manjadi guru malajari kakanakan mambaca Quran di rumah masing-masing . Sapalih ada jua nang umpatan bajulan di pasar-pasar malam.
Mana nang banasib baik, dapat pulang maajar kakanakan ka rumah-rumah orang sugih. Tantulah bayaran mahal !.
Bila manyambut pasal maajar kakanakan mangaji ka rumah-rumah, taganang ulun wayah pamulaan jadi guru agama palatih tahun 1967 bahari. Wayah tu gajih guru agama amun ‘ gred A ‘ dapatlah labih kurang RM 140.00 sabulan. Amun ‘ gred B ‘ ( kaya jawatan ulun ) dapatlah RM 115.00 sabulan !.
Ulun suah dibawa i oleh guru agama sama sakulah , Ustaz Mohd.Nor Yusof ngarannya. Ujarnya ada orang bacari guru hagan maajar anaknya mangaji Quran ka rumahnya. Ujarnya jua , bayarannya labih kurang RM 50 sabulan. Ulun tapaksa bapadah kada sanggup, pasal kadada bamotorsikal lagi. Salain tu pulang, rumah orang tu bas kada sampai ka situ ( Ulun sahibar kawa tulak babasikar haja ka sakulahan matan wadah bagana di Kampong Baru, Kuala Lumpur ! ).
Cuba difikirkan, kawalah bagana di Kuala Lumpur kaya ulun wayah pamulaan maajar bahari ( Sakulah Kabangsaan Polis Depot, Jalan Padang Tembak KL ) bagajih RM 115.00 sabulan ?.
Bila taganang gawian bahari, guru-guru agama (KAFA) wayahni patut banar basukur ka Allah SWT !. Dapat gajih kaya orang lain ‘ ampat angka ‘ ujar……
Khamis, 13 November 2008
METHADONE…
Pamulaan ulun mandangar sambatan ‘ methadone ‘ labih kurang satahun sudah. Wayah tu minantu ulun nang manyambat mahabarakan. Ujarnya, ‘ methadone ‘ tu ubat orang supaya jangan talalu katagihan awan dadah. Sabujurnya, rupanya gin ulun kada suah maniring ( paraya tahu , kada salah jua kaluko leh….)
Minggu sudah ulun tulak ka ‘ Hospital Tengku Ampuan Jamaah ‘ di pakan Sabak. Handak maambil ubat nang dibari doktor supaya sigar awak ( ujar ! ). Sambil mahadang ngaran disaru, ulun tatiring di higa wadah ‘ kaunter ‘ ubat batulis : RAWATAN METHADONE.
Marigap hati !..... Ujar ulu dalam hati: Ooooh di sini pang orang yang katigahan dadah maambil ‘ ubat ‘ nya….
Kada lawas datang saorang orang anuman. Umurnya labih kurang patangahan dua puluhan. Awak pinda maringking…. Basalawar jean . Kubas. Babaju kameja T tangan handap. Kubas jua….
Sambil bagamat mangilar orang nang duduk mahadangi ubat , labih kurang 15 orang ada di situ. Tamasuk ulun… Inya duduk di bangku sabaris awan ulun. Tajauh labih kurang lima buah kursi. Ulun bapiragah kada maharani inya datang ( pada hal hati ada ai managur…. ). Mata ulun basinghaja bapiragah maniring ka siaran TV di atas , hujung subalah kanan, parak bilik ‘ Rawatan Methadone ‘.
Ujar hati : Orang ni mau haja datang handak mainta ' tatamba methadone '. Bujur tangguhan ulun , andika ai …. Kada karasaan inya masuk mancirup ka bilik rawatan. Kada lawas, inya kaluar ‘ bilik rawatan ‘ sambil bajalan tunduk. Kada maniring orang kiwa kanan.
Kada lawas sabalum ngaran ulun disaru maambil ubat, datang pulang seorang ‘ pesakit ‘ kaya pamulaan tadi. Umurnya labih kurang haja tuhanya. Orang nang datang ni labih taruk tokohnya. Cara bapakaian awan panyakitnya …. Inya datang tarus masuk ka wadah rawatan. Kada lawas ianya kaluar . Bajalan kada papalingau higa mahiga.
Sambil ulun kaluar matan wadah ‘ farmasi ‘ , kaganangan ulun ka orang nang masuk Rawatan Methadone tadi. Sunyaan babangsa Malayu. Baagama Islam pulang !. Dimapatuai leh, andika ai....
Andika nang tahu banyak pasal ‘ methadone ‘ ( kulaan nang jadi doktor ) bagus mamadahkan ka kita sabarataan : Napa sabujurnya methadone tu ?....
Minggu sudah ulun tulak ka ‘ Hospital Tengku Ampuan Jamaah ‘ di pakan Sabak. Handak maambil ubat nang dibari doktor supaya sigar awak ( ujar ! ). Sambil mahadang ngaran disaru, ulun tatiring di higa wadah ‘ kaunter ‘ ubat batulis : RAWATAN METHADONE.
Marigap hati !..... Ujar ulu dalam hati: Ooooh di sini pang orang yang katigahan dadah maambil ‘ ubat ‘ nya….
Kada lawas datang saorang orang anuman. Umurnya labih kurang patangahan dua puluhan. Awak pinda maringking…. Basalawar jean . Kubas. Babaju kameja T tangan handap. Kubas jua….
Sambil bagamat mangilar orang nang duduk mahadangi ubat , labih kurang 15 orang ada di situ. Tamasuk ulun… Inya duduk di bangku sabaris awan ulun. Tajauh labih kurang lima buah kursi. Ulun bapiragah kada maharani inya datang ( pada hal hati ada ai managur…. ). Mata ulun basinghaja bapiragah maniring ka siaran TV di atas , hujung subalah kanan, parak bilik ‘ Rawatan Methadone ‘.
Ujar hati : Orang ni mau haja datang handak mainta ' tatamba methadone '. Bujur tangguhan ulun , andika ai …. Kada karasaan inya masuk mancirup ka bilik rawatan. Kada lawas, inya kaluar ‘ bilik rawatan ‘ sambil bajalan tunduk. Kada maniring orang kiwa kanan.
Kada lawas sabalum ngaran ulun disaru maambil ubat, datang pulang seorang ‘ pesakit ‘ kaya pamulaan tadi. Umurnya labih kurang haja tuhanya. Orang nang datang ni labih taruk tokohnya. Cara bapakaian awan panyakitnya …. Inya datang tarus masuk ka wadah rawatan. Kada lawas ianya kaluar . Bajalan kada papalingau higa mahiga.
Sambil ulun kaluar matan wadah ‘ farmasi ‘ , kaganangan ulun ka orang nang masuk Rawatan Methadone tadi. Sunyaan babangsa Malayu. Baagama Islam pulang !. Dimapatuai leh, andika ai....
Andika nang tahu banyak pasal ‘ methadone ‘ ( kulaan nang jadi doktor ) bagus mamadahkan ka kita sabarataan : Napa sabujurnya methadone tu ?....
Isnin, 3 November 2008
Orang tuha balajar komputer
Matan 31 Oktober 2008 sampai 02 November 2008 karajaan nagri Salangor di bawah Exco Pendidikan , Pengajian Tinggi dan Pembangunan Modal Insan , maulah kursus hagan satiausaha JKKK ( JKKK hanyar ). Wadahnya di Institiut Latihan Dakwah Salangor ( ILDAS ) di Sungai Lang, panghujung daerah Sabak Bernam.
Ada tiga daerah satiausaha JKKK nang disaru. Daerah Sabak Bernam, Daerah Kuala Salangor awan Daerah Gombak. Ada labih kurang tangah dua ratus orang nang datang. Taumpat jua ada baampat satiusaha JKKK bibinian ! ( Harat JKKK wayahni, ada satiusaha bibinian, kada kaya JKKK lawas ! ).
Sunyaan caramah bajalan bagus. Kadada masalah apa-apa. Tagal bila sampai caramah hagan balajar komputer, banyak satiausaha JKKK nang hudah masuk umur wagra amas mula kulimbisikan. Masing-masing bapadah kada suah maingkuti komputer !. Mana-mana nang baumur warga amas , tagal bakas cigu atawa ustaz kuranglah saikit kulimbisikan. Kawalah dipalar-palar….
Tukang ulah kursus pamulaannya maulah ‘ bancian ‘ malalui borang, hagan mangatahui hinggan mana pangatahuan satiausaha JKKK dalam komputer. Dalam kumpulan ulun - kumpulan A - bila diualah ‘ bancian ‘ parak saparuh kada suah maingkuti komputer !. Jadi, cigunya tapaksa mancarikan kawan satiusaha JKKK nang kada suah , awan satiusaha JKKK yang bisa ! ( Amun tidak, mau pang tadiam komputer kayaitu haja ! ) .
‘ Makmal Komputer ‘ di ILDAS kada banyak. Ada labih kurang 20 buah haja. Biliknya jua kipit. Jadi kami nang handak balajar tapaksalah bahimpitan duduk.
Nang mambari tatawa saikit, banyak satiausaha JKKK bila mahadap komputer, masing-masing manyaru ka cigu intak dilajari mamingkuti ‘ tetikus ‘ ( Pasalnya kada tahu handak manggarakkan ! ).
Nang disambat di atas tadi sahuaran…..
Sahuaran lagi, program nang dilajari oleh cigu komputer tu ada tiga bangsa : Word, Power Point awan Excel. Masanya sahibar dua jam haja di makmal !. Masing-masing hudah minik kapala. Nang kada tahu langsung, aur uling-uling kapala, pasal maulah petak ‘ program ‘ Excel kada mau jadi-jadi !.
Sampai habis dua jam di makmal komputer, masing-masing kaluaran. Di situlah macam-macam sambatan kadangaran . Ada nang manyambat bila maingkuti haja ‘ tetikus ‘ tarus barasa gadugupan jantung hati. Ada jua manyambat, bila hudah ditaip, tasalah picik tarus tapadam tulisan !. Ada jua nang balulucu sasama tuha, ujar hidin balajar komputer nyaman lagi wayah pamulaan jadi pangantin…….
Pandiran tu sampailah ka kanten makan….. Ulun saja-saja batakun ka babarapa orang satiausaha napa cadangan nang patut dipadahkan ka tukang ulah kursus (penganjur ). Masing-masing manyambat; Kursus kaya nang diulah kada kawa mambari kapintaran ka satiausaha JKKK. Ujar masing-masing, kursus kayaitu bagus diulah sahuaran-sahuaran. Contohnya , balajar Word dahulu , imbah tu hanyar Power Point . Pahabisannya hanyar balajar Excel. Wayah balajar tu pulang paling kurang mamakan saharian maning hagan sahuaran ‘ program ‘. Jaka tidak, kada mau jadi pintar !
Saja ngalih balajar banda hanyar, bila umur hudah tuha leh !. Tagal ujar Nabi Muhammad SAW: Balajar tu matan wayah di ayunan sampai ka liang lahad !. Jadinya, bujur kada ?.
Ada tiga daerah satiausaha JKKK nang disaru. Daerah Sabak Bernam, Daerah Kuala Salangor awan Daerah Gombak. Ada labih kurang tangah dua ratus orang nang datang. Taumpat jua ada baampat satiusaha JKKK bibinian ! ( Harat JKKK wayahni, ada satiusaha bibinian, kada kaya JKKK lawas ! ).
Sunyaan caramah bajalan bagus. Kadada masalah apa-apa. Tagal bila sampai caramah hagan balajar komputer, banyak satiausaha JKKK nang hudah masuk umur wagra amas mula kulimbisikan. Masing-masing bapadah kada suah maingkuti komputer !. Mana-mana nang baumur warga amas , tagal bakas cigu atawa ustaz kuranglah saikit kulimbisikan. Kawalah dipalar-palar….
Tukang ulah kursus pamulaannya maulah ‘ bancian ‘ malalui borang, hagan mangatahui hinggan mana pangatahuan satiausaha JKKK dalam komputer. Dalam kumpulan ulun - kumpulan A - bila diualah ‘ bancian ‘ parak saparuh kada suah maingkuti komputer !. Jadi, cigunya tapaksa mancarikan kawan satiusaha JKKK nang kada suah , awan satiusaha JKKK yang bisa ! ( Amun tidak, mau pang tadiam komputer kayaitu haja ! ) .
‘ Makmal Komputer ‘ di ILDAS kada banyak. Ada labih kurang 20 buah haja. Biliknya jua kipit. Jadi kami nang handak balajar tapaksalah bahimpitan duduk.
Nang mambari tatawa saikit, banyak satiausaha JKKK bila mahadap komputer, masing-masing manyaru ka cigu intak dilajari mamingkuti ‘ tetikus ‘ ( Pasalnya kada tahu handak manggarakkan ! ).
Nang disambat di atas tadi sahuaran…..
Sahuaran lagi, program nang dilajari oleh cigu komputer tu ada tiga bangsa : Word, Power Point awan Excel. Masanya sahibar dua jam haja di makmal !. Masing-masing hudah minik kapala. Nang kada tahu langsung, aur uling-uling kapala, pasal maulah petak ‘ program ‘ Excel kada mau jadi-jadi !.
Sampai habis dua jam di makmal komputer, masing-masing kaluaran. Di situlah macam-macam sambatan kadangaran . Ada nang manyambat bila maingkuti haja ‘ tetikus ‘ tarus barasa gadugupan jantung hati. Ada jua manyambat, bila hudah ditaip, tasalah picik tarus tapadam tulisan !. Ada jua nang balulucu sasama tuha, ujar hidin balajar komputer nyaman lagi wayah pamulaan jadi pangantin…….
Pandiran tu sampailah ka kanten makan….. Ulun saja-saja batakun ka babarapa orang satiausaha napa cadangan nang patut dipadahkan ka tukang ulah kursus (penganjur ). Masing-masing manyambat; Kursus kaya nang diulah kada kawa mambari kapintaran ka satiausaha JKKK. Ujar masing-masing, kursus kayaitu bagus diulah sahuaran-sahuaran. Contohnya , balajar Word dahulu , imbah tu hanyar Power Point . Pahabisannya hanyar balajar Excel. Wayah balajar tu pulang paling kurang mamakan saharian maning hagan sahuaran ‘ program ‘. Jaka tidak, kada mau jadi pintar !
Saja ngalih balajar banda hanyar, bila umur hudah tuha leh !. Tagal ujar Nabi Muhammad SAW: Balajar tu matan wayah di ayunan sampai ka liang lahad !. Jadinya, bujur kada ?.
Langgan:
Catatan (Atom)