Ada jua bujurnya ujar orang bahari. Bila talalu banyak orang nang pintar, jadi ngalih. Talalu banyak orang nang bongol, ngalih jua kiraannya !….
Caritanya kaya ini:
Ujar saorang kakawanan ka ulun. Ada sabuah masigit di nagri Salangor ( tampatnya paraya disambat, ujarnya ). Ahli jawatankuasanya, tamasuk jua orang nang bajawatan najir, sunyaan orang ahli politik ( karajaan bahari ).
Dalam masyuarat jawatankuasa masigit, ‘ orang pintar ‘ tadi maambil kaputusan handak maulah wadah pangamihan awan wadah pamandian nang hanyar. Wadah pangamihan awan wadah pamandian nang lawas , ujar jawatankuasa masigit tadi, hudah kada ‘ terkini ‘. Hudah kada sasuai awan kaadaan jawatankuasanya nang pintar-pintar tadi !. ( Wadah pangamihan awan wadak pamandian lawas aci kuboi haja napa… )
Tabarungan pulang dalam kumpulan jawatankuasa masigit tadi ada saorang nang jadi kontrak, ada juga tamasuk saorang ahli jawatankuasa paringkat bahagian. Ujar orang kampungan ‘ ada kabel terus ‘ awan MB !.
‘ Orang-orang pintar ‘ tadi bagawilah hagan maulah wadah pangamihan awan wadah pamadian hanyar. Maulah surat pamohonan tarus ‘ ka atas ‘. Dihandapkan caritanya, pamohonan tadi tarus diluluskan oleh ‘ orang atas ‘ . Pasal hudah patuh atawa ada pambarian ‘ komesyen ‘ ( kaluko ! ).
Jawatankuasa tadi kada bahabar-habar ka ahli kariah tarus manabangi babarapa pohon nyiur di wadah projek tu . Kadaguyan bunyinya….Babarapa pohon nyiur rabah !.
Dihandapkan lagi caritanya….mandangar pohon nyiur rabahan, babarapa orang ahli kariah nang parak di situ tarus batakun. Hagan napa pohon nyiur tu ditabangi ?. Ujar si tukang tabang , gawian tu arahan matan najir awan jawatankuasa masigit.
Ari tu jua gigir sakampungan !. Maka masing-masing maulah patua . Sapalih sahibar jadi tukang sokong haja….Kasudahannya , ada saurang tuan guru lawas ( hidin kada dipakai orang lagi di kampong tu , pasal aur mambaca kitab kuning haja napa, ujar orang-orang pintar tu tadi ).
Ujar tuan guru tu, “ Kita orang wayahni jarang ada nang sanggup baulah wakaf, kaya orang-orang bahari nang sanggup mandirikan masigit awan batanam pohon nyiur. Amun kada kawa, maraha haja !…. Tagal jangan pulang marosakkan wakaf orang bahari, tamasuk tanaman pohon nyiurnya.
“ Di akhirat kainak, kaluko orang yang bawakaf tu batakun ka orang nang marosakkan wakaf tadi, kanapa ikam marosakkan wakaf kami ?. Kami kada lagi mandapat pahalanya…. “
Lagi sakali dihandapkan caritanya !….Mandangarkan ujar tuan guru tadi, jawatankuasa masigit tamasuk najirnya kulimbisikan….Langsung projek tu diurungkan . Kada jadi baulah tarus. Projek batal !.
Dangar habar, punggur nyiur nang ditabangi tu hudah japuk wayahni. Tagal wadah pangamihan awan pamandian lawas magun haja dipakai orang. Projek nang hanyar kada jadi diulah di masigit tu , hudah dipindahkan ka masigit lain ! ( ujar najirnya, pasal orang kampong di situ kada handak manarima cadangan ‘ orang pintar ‘ ).
Andika nang mambaca carita ni napa pulang fikiran !....
Rabu, 29 Oktober 2008
Rabu, 22 Oktober 2008
Napa artinya huruf ‘ P
Bila ulun manjawab arti huruf ‘ P ‘ tu ‘ Persekutuan ‘ , lakas kakawan nang batakun tadi manyambat , “ Salah ! “. Tarus ianya mamadahkan arti huruf ‘ P ‘ itu “ Pengacau “ atawa bulih jua disambat ‘ Pencen ‘.
Kaganangan pulang ulun huruf ‘ P ‘ nang kabanyakan diandak di papaci balakang kurita atawa di motosikal huruf ‘ P ‘ tu artinya Percubaan ( Orang nang hanyar lulus lesen pas , imbah dapat lesen L ). Tarus ulun manyambat pulang , “ Kaluko arti huruf ‘ P ‘ tu pacubaan, kaya orang hanyar pas lesen L ! “
Kakawanan tadi uling-uling kapala, tanda kada basatuju. Ujarnya pulang, mana boleh orang nang jadi sidang sing lawasan tu magun haja dikira pacubaan. Amun sidang nang hanyar tu , patutlah !.....
Sabujurnya, kami mamandir pasal jawatan sidang di nagri Salangor. Tiap kampong ada badua orang sidangnya . Saorang sidang lawas nang dijadikan sidang ‘ P ‘ , nang saorang pulang sidang hanyar ditauliahkan oleh karajaan Nagri Salangor nang diparintah oleh karajaan Pakatan Rakyat.
Ada jua nang manyambat ‘ Sidang N ‘ . Bilang kecuh banar sambatannya leh !.
Kulaan nang bagana di nagri-nagri nang kada diparintah oleh karajaan Pakatan Rakyat, contohnya , Johor, Nagri Sambilan, Malaka, Pahang, Parlis awan Tarangganu ( tamasuk jua di Sabah awan Sarawak ), hidin ni kadada basidang atawa katuha kampong dua orang kaya kami nang bagana di nagri Pakatan Rakyat !.
Amun dikira ada jua bagusnya basidang dua orang dalam sabuah kampong. Kada saorang, saorang kawa mangganie anak buah kampong tu amun ada kasukaran. Tagal, bila ditiring pulang napa nang bakajadian wayahni, tokohnya mangalihi haja….
Bila diitihi, memang ada jua kabujurannya kakawanan nang manyambat sidang ‘ P ‘ tu sahibar jadi ‘ Pangacau ‘ kampong haja !.
Walau kayapa gin, ulun labih basatuju arti huruf ‘ P ‘ tu sahibar ‘ pencen ‘ haja ( Maksudnya Sidang Pencen ). Pasalnya sidang-sidang tu kada ditauliahkan lagi oleh karajaan Nagri Salangor. Hudah disuruh baampih jadi sidang, tagal magun haja ada orang nang handak mamakai. Kaya cigu pencen atawa ustat pencen !.
Bujur kada ?......
Kaganangan pulang ulun huruf ‘ P ‘ nang kabanyakan diandak di papaci balakang kurita atawa di motosikal huruf ‘ P ‘ tu artinya Percubaan ( Orang nang hanyar lulus lesen pas , imbah dapat lesen L ). Tarus ulun manyambat pulang , “ Kaluko arti huruf ‘ P ‘ tu pacubaan, kaya orang hanyar pas lesen L ! “
Kakawanan tadi uling-uling kapala, tanda kada basatuju. Ujarnya pulang, mana boleh orang nang jadi sidang sing lawasan tu magun haja dikira pacubaan. Amun sidang nang hanyar tu , patutlah !.....
Sabujurnya, kami mamandir pasal jawatan sidang di nagri Salangor. Tiap kampong ada badua orang sidangnya . Saorang sidang lawas nang dijadikan sidang ‘ P ‘ , nang saorang pulang sidang hanyar ditauliahkan oleh karajaan Nagri Salangor nang diparintah oleh karajaan Pakatan Rakyat.
Ada jua nang manyambat ‘ Sidang N ‘ . Bilang kecuh banar sambatannya leh !.
Kulaan nang bagana di nagri-nagri nang kada diparintah oleh karajaan Pakatan Rakyat, contohnya , Johor, Nagri Sambilan, Malaka, Pahang, Parlis awan Tarangganu ( tamasuk jua di Sabah awan Sarawak ), hidin ni kadada basidang atawa katuha kampong dua orang kaya kami nang bagana di nagri Pakatan Rakyat !.
Amun dikira ada jua bagusnya basidang dua orang dalam sabuah kampong. Kada saorang, saorang kawa mangganie anak buah kampong tu amun ada kasukaran. Tagal, bila ditiring pulang napa nang bakajadian wayahni, tokohnya mangalihi haja….
Bila diitihi, memang ada jua kabujurannya kakawanan nang manyambat sidang ‘ P ‘ tu sahibar jadi ‘ Pangacau ‘ kampong haja !.
Walau kayapa gin, ulun labih basatuju arti huruf ‘ P ‘ tu sahibar ‘ pencen ‘ haja ( Maksudnya Sidang Pencen ). Pasalnya sidang-sidang tu kada ditauliahkan lagi oleh karajaan Nagri Salangor. Hudah disuruh baampih jadi sidang, tagal magun haja ada orang nang handak mamakai. Kaya cigu pencen atawa ustat pencen !.
Bujur kada ?......
Rabu, 15 Oktober 2008
Harga minyak turun nang lain kada....
Harga minyak turun lagi, kali ini antara 10 hingga 20 sen
MSTAR ONLINE [DIKEMAS KINI]
KUALA LUMPUR: Harga petrol RON97 dikurangkan sebanyak 15 sen kepada RM2.30 sen seliter berkuat kuasa esok.
Harga petrol RON92 juga dikurangkan sebanyak 10 sen kepada RM2.20 manakala diesel turun 20 sen kepada RM2.20.
Ia merupakan kali ketiga kerajaan menurunkan harga petrol dan diesel.
Kerajaan sebelum ini telah melaraskan harga runcit petrol, masing-masing pada 23 Ogos dan 25 September lalu.
Pada 25 September lalu, harga runcit petrol dan diesel diturunkan 10 sen seliter menjadikan petrol RON97 kini RM2.45 seliter, RON92 (RM2.30) dan diesel (RM2.40).
Pelarasan terbaru harga petrol dan diesel adalah kali kedua dilakukan kerajaan sejak yang pertama pada 23 Ogos lalu. Dalam pelarasan pertama, harga runcit petrol RON97 diturunkan 15 sen seliter daripada RM2.70 kepada RM2.55, RON92 pula dikurangkan 22 sen seliter daripada RM2.62 kepada RM2.40 dan diesel lapan sen seliter daripada RM2.58 kepada RM2.50.
Ulun basinghaja mamasukan sapanggal carita pasal harga minyak turun nang diambil matan surat habar, hagan kulaan sabarataan tahu sabujurnya.
Di Sungai Ganal babarapa orang yang ulun takuni, bilang sunyaan manyambat ‘ bagus ‘ karajaan manurunkan harga minyak. Kawalah bahinak saikit….. “ ujarnya sambil takurihing kasukaan.
Ada jua nang manyambat , “ Karajaan kita saja baparasaan . Tahu kasusahan rakyat. Inilah karajaan nang bagus ! “ ( Kali ni ulun pulang nang takurihing….tahu dah siapa orang tu ! ).
Tagal dalam banyak-banyak orang, ada saekung nang manyambat, “ Ceh ! Napa faedahnya harga minyak turun. Harga barang-barang lain magun haja mahal. Kada mau turun ! . Rakyat kadanya manukar minyak haja gawian. Banyak lagi nang ditukar. Baras mahal, baja mahal, racun mahal. Bilang sunyaan mahal !... “
Amun dipikirkan saja banaran ujar ‘ kulaan nang saekung ‘ tu. Napa pikiran andika pulang ?.
MSTAR ONLINE [DIKEMAS KINI]
KUALA LUMPUR: Harga petrol RON97 dikurangkan sebanyak 15 sen kepada RM2.30 sen seliter berkuat kuasa esok.
Harga petrol RON92 juga dikurangkan sebanyak 10 sen kepada RM2.20 manakala diesel turun 20 sen kepada RM2.20.
Ia merupakan kali ketiga kerajaan menurunkan harga petrol dan diesel.
Kerajaan sebelum ini telah melaraskan harga runcit petrol, masing-masing pada 23 Ogos dan 25 September lalu.
Pada 25 September lalu, harga runcit petrol dan diesel diturunkan 10 sen seliter menjadikan petrol RON97 kini RM2.45 seliter, RON92 (RM2.30) dan diesel (RM2.40).
Pelarasan terbaru harga petrol dan diesel adalah kali kedua dilakukan kerajaan sejak yang pertama pada 23 Ogos lalu. Dalam pelarasan pertama, harga runcit petrol RON97 diturunkan 15 sen seliter daripada RM2.70 kepada RM2.55, RON92 pula dikurangkan 22 sen seliter daripada RM2.62 kepada RM2.40 dan diesel lapan sen seliter daripada RM2.58 kepada RM2.50.
Ulun basinghaja mamasukan sapanggal carita pasal harga minyak turun nang diambil matan surat habar, hagan kulaan sabarataan tahu sabujurnya.
Di Sungai Ganal babarapa orang yang ulun takuni, bilang sunyaan manyambat ‘ bagus ‘ karajaan manurunkan harga minyak. Kawalah bahinak saikit….. “ ujarnya sambil takurihing kasukaan.
Ada jua nang manyambat , “ Karajaan kita saja baparasaan . Tahu kasusahan rakyat. Inilah karajaan nang bagus ! “ ( Kali ni ulun pulang nang takurihing….tahu dah siapa orang tu ! ).
Tagal dalam banyak-banyak orang, ada saekung nang manyambat, “ Ceh ! Napa faedahnya harga minyak turun. Harga barang-barang lain magun haja mahal. Kada mau turun ! . Rakyat kadanya manukar minyak haja gawian. Banyak lagi nang ditukar. Baras mahal, baja mahal, racun mahal. Bilang sunyaan mahal !... “
Amun dipikirkan saja banaran ujar ‘ kulaan nang saekung ‘ tu. Napa pikiran andika pulang ?.
Jumaat, 10 Oktober 2008
Mainta ‘ barakah ‘ Yasin, tagal !…
Sahuaran gawian nang ditiring bagus digawi orang wayahni kada lain pada babaca surah Yasin bila ada anak handak pariksa. Kada kira pariksa sakulah agama -PSRA, sakulah randah kabangsaan - UPSR , tamasuk jua pariksa sakulah mananganhnya - PMR , SPM.
Kada cukup babaca surah Yasin , digawi jua sambahyang hajat sabalumnya. Asa ulun, wayahni kabanyakan kawitan tahuan hudah ‘ kaifiat ‘ babaca surah Yasin awan sambahyang hajat. Kada kaya bahari, masing-masing papalingau amun disuruh sambahyang hajat atawa ada nang bapiragah sakit rukungan handak babaca surah Yasin!.
Nang disambat di atas tu tantang kabaikkannya.
Malam tadi, malam Jumahat. Banyak sakulah manangah di mana-mana jua ulun manangguhi masing-masing maadakan majlis babaca surah Yasin awan sambahyang hajat. Pasalnya, ari Sanayan 13 Oktober 2008 kakanakan mula pariksa PMR napa.
Makanya taumpat jua sakulah wadah anak ulun sakulah manangah ( paraya disambat ngaran sakulah tu ! ). PIBG awan cigu-cigunya mualah jua ‘ majlis ‘ kaya nang disambat di atas tadi.
‘ Majlis ‘ tu diulah di padaang wadah kakanakan babaris hari-hari. Padang tu dilapik dahulu awan parlak. Di atasnya hanyar diandaki sajadah sambahyang. Asa ulun muatannya parak 200 orang.
Imbah sambahyang Mahgrib, imamnya mamadahkan ‘ acara ‘ majlis ( Ujar nak ulun imam tu saurang ustaz di sakulah tu jua. Jadi ‘ Penyelia Petang ‘ ). Ujarnya imbah sambahyng sunat Maghrib diulah sambahyang hajat dahulu. Imbah tu hanyar babaca surah Yasin. Imbah tu sambahyang Isyak, diiringi pulang awan caramah motivasi. Sabalum bulik ada makan nasi kotak, boleh dibawa bulik ka rumah.
Majlis sunyaan bajalan baik kaya dicadangkan…..
Cumanya….. bila imbah babaca surah Yasin ulun ada ‘ komen ‘ saikit salain asa garigitan di hati pulang !.
Puncanya kayaini: Imbah babaca surah Yasin ( surat Yasin bat sakulah ) masing-masing kawitan murid mangumpulkan surah Yasin tu unjuk baunjuk supaya sampai ka hujung di andak ka atas meja . Bila sampai ka nang panghabisan, surat Yasin yang takumpul parak babalas-balas buah tadi , tarus diandak di hadapan saf sajadah, di atas simin kada balapik apa-apa.
Maniring paulahan kayaitu, ulun asa kada nyaman maniring. Tarus ulun manggawil orang nang di subalah kiwa ulun, mambari isyarat supaya surat Yasin tadi handaklah di andak ka atas meja parak situ. Rupanya orang nang ulun gawil tadi ( tuha pang hudah umur hidin tu ! ) kada mangarti. Hidin baranai, sambil maniring haja ka surat Yasin di atas simin tadi.
Ulun dalam hati bilang asa garigitan banar . Kanapa pahatian kada tarasa handak menghormati surat Yasin tu !. Asanya surat Yasin tu surat habar, napa kah ?.
Sambil manggawil ka orang nang di subalahnya lagi, ulun tarus manyambat ka inya,“ Buku Yasin tu Quran . Jangan di letak di simin begitu saja. Tolong letakkan di atas meja…. “ Mandangar ulun manyambat kayaitu, hanyar orang tu maambil surat Yasin nang balungguk di hadapan orang nang di subalahnya , mambari pulang ka orang lain sambung manyambung hingga sampai ke hujung saf. Tarus diandak ka atas meja.
Ulun kada tahu orang-orang nang digawil tadi maanggap atawa kada basa ulun …..
Sahuaran pulang, bila ulun tatiring kahadap, rupaya surat Yasin nang dibaca imam tadi gin diandak dilantai jua di higa wadah duduknya , kada balapik apa-apa !. Astaghfirullah…..
Hati ulun manyambat saurang : Wayahni orang tahu mambaca Yasin , handak maambil fadilatnya, tagal kada mau mahormati surat Yasin nang jadi sabahagian Al Quran !.
Tahuam. Napa pulang panglihatan andika ?.....
Kada cukup babaca surah Yasin , digawi jua sambahyang hajat sabalumnya. Asa ulun, wayahni kabanyakan kawitan tahuan hudah ‘ kaifiat ‘ babaca surah Yasin awan sambahyang hajat. Kada kaya bahari, masing-masing papalingau amun disuruh sambahyang hajat atawa ada nang bapiragah sakit rukungan handak babaca surah Yasin!.
Nang disambat di atas tu tantang kabaikkannya.
Malam tadi, malam Jumahat. Banyak sakulah manangah di mana-mana jua ulun manangguhi masing-masing maadakan majlis babaca surah Yasin awan sambahyang hajat. Pasalnya, ari Sanayan 13 Oktober 2008 kakanakan mula pariksa PMR napa.
Makanya taumpat jua sakulah wadah anak ulun sakulah manangah ( paraya disambat ngaran sakulah tu ! ). PIBG awan cigu-cigunya mualah jua ‘ majlis ‘ kaya nang disambat di atas tadi.
‘ Majlis ‘ tu diulah di padaang wadah kakanakan babaris hari-hari. Padang tu dilapik dahulu awan parlak. Di atasnya hanyar diandaki sajadah sambahyang. Asa ulun muatannya parak 200 orang.
Imbah sambahyang Mahgrib, imamnya mamadahkan ‘ acara ‘ majlis ( Ujar nak ulun imam tu saurang ustaz di sakulah tu jua. Jadi ‘ Penyelia Petang ‘ ). Ujarnya imbah sambahyng sunat Maghrib diulah sambahyang hajat dahulu. Imbah tu hanyar babaca surah Yasin. Imbah tu sambahyang Isyak, diiringi pulang awan caramah motivasi. Sabalum bulik ada makan nasi kotak, boleh dibawa bulik ka rumah.
Majlis sunyaan bajalan baik kaya dicadangkan…..
Cumanya….. bila imbah babaca surah Yasin ulun ada ‘ komen ‘ saikit salain asa garigitan di hati pulang !.
Puncanya kayaini: Imbah babaca surah Yasin ( surat Yasin bat sakulah ) masing-masing kawitan murid mangumpulkan surah Yasin tu unjuk baunjuk supaya sampai ka hujung di andak ka atas meja . Bila sampai ka nang panghabisan, surat Yasin yang takumpul parak babalas-balas buah tadi , tarus diandak di hadapan saf sajadah, di atas simin kada balapik apa-apa.
Maniring paulahan kayaitu, ulun asa kada nyaman maniring. Tarus ulun manggawil orang nang di subalah kiwa ulun, mambari isyarat supaya surat Yasin tadi handaklah di andak ka atas meja parak situ. Rupanya orang nang ulun gawil tadi ( tuha pang hudah umur hidin tu ! ) kada mangarti. Hidin baranai, sambil maniring haja ka surat Yasin di atas simin tadi.
Ulun dalam hati bilang asa garigitan banar . Kanapa pahatian kada tarasa handak menghormati surat Yasin tu !. Asanya surat Yasin tu surat habar, napa kah ?.
Sambil manggawil ka orang nang di subalahnya lagi, ulun tarus manyambat ka inya,“ Buku Yasin tu Quran . Jangan di letak di simin begitu saja. Tolong letakkan di atas meja…. “ Mandangar ulun manyambat kayaitu, hanyar orang tu maambil surat Yasin nang balungguk di hadapan orang nang di subalahnya , mambari pulang ka orang lain sambung manyambung hingga sampai ke hujung saf. Tarus diandak ka atas meja.
Ulun kada tahu orang-orang nang digawil tadi maanggap atawa kada basa ulun …..
Sahuaran pulang, bila ulun tatiring kahadap, rupaya surat Yasin nang dibaca imam tadi gin diandak dilantai jua di higa wadah duduknya , kada balapik apa-apa !. Astaghfirullah…..
Hati ulun manyambat saurang : Wayahni orang tahu mambaca Yasin , handak maambil fadilatnya, tagal kada mau mahormati surat Yasin nang jadi sabahagian Al Quran !.
Tahuam. Napa pulang panglihatan andika ?.....
Isnin, 6 Oktober 2008
Pasal ‘ Rumah Terbuka '…
Sambil bajalan batutukar lauk di market Sungai Ganal tadi, ulun taparaung awan banyak kakawanan. Sapalih orang Banjar, sapalih orang Jawa. Kami gin basalaman salajur manyambat: Salamat Ari Raya – Maaf zahir batin . Mana nang Banjar, handap haja sasambatannya : Barelaanlah kita… ( Salasai sunyaannya ! - Komplet... ).
Dalam banyak-banyak nang ditamui tu ada saorang ahli PBM - Ngarannya paraya disambat di sini ! .
Hidin batakun, “ Kabila ahli PBM Sungai ganal handak maulah rumah tabuka ? “.
“ Tahuam. Kanalah takuni ka Cincirak dahulu , “ ujar ulun.
“ Cincirak tu auran tarabang ka situ ka sini haja wayahni. Maklumlah, hudah jadi sidang Parit (4) Sungai Haji Dorani. Ngalih handak bagana di rumah kaya bahari…. “ ujarnya.
Ulun sahibar takurihing mandangarkan. Saja banaran,Cincirak hudah ditauliahkan jadi sidang!. Tantu auran menyambut ‘ rakyat ‘ datang ka rumah handak baari raya.
Pandiran kami tapagat di situ. Pasalnya ‘ orang rumah ‘ datang hudah babawaan handak bulikan.
Sambil bajalan manuju ka kurita, ulun tapikir wayah bahari orang amun handak datang baari raya paraya mahadang ‘ rumah tabuka ‘ . Datang haja…Siang ka, malam ka ayu haja datang !.
Tagal wayahni jaman hudah baubah napa....Uumpatan kaya orang ‘ ganal-ganal ‘ jua kita leh !... Napa pikiran kulaan sabarataan ?
Dalam banyak-banyak nang ditamui tu ada saorang ahli PBM - Ngarannya paraya disambat di sini ! .
Hidin batakun, “ Kabila ahli PBM Sungai ganal handak maulah rumah tabuka ? “.
“ Tahuam. Kanalah takuni ka Cincirak dahulu , “ ujar ulun.
“ Cincirak tu auran tarabang ka situ ka sini haja wayahni. Maklumlah, hudah jadi sidang Parit (4) Sungai Haji Dorani. Ngalih handak bagana di rumah kaya bahari…. “ ujarnya.
Ulun sahibar takurihing mandangarkan. Saja banaran,Cincirak hudah ditauliahkan jadi sidang!. Tantu auran menyambut ‘ rakyat ‘ datang ka rumah handak baari raya.
Pandiran kami tapagat di situ. Pasalnya ‘ orang rumah ‘ datang hudah babawaan handak bulikan.
Sambil bajalan manuju ka kurita, ulun tapikir wayah bahari orang amun handak datang baari raya paraya mahadang ‘ rumah tabuka ‘ . Datang haja…Siang ka, malam ka ayu haja datang !.
Tagal wayahni jaman hudah baubah napa....Uumpatan kaya orang ‘ ganal-ganal ‘ jua kita leh !... Napa pikiran kulaan sabarataan ?
Salam pamulaan....
السلام عليكم ورحمة الله وبركـاته
السلام عليكم ورحمة الله وبركـاته
Parak satahun ulun maninggalkan ' BANJAR SUNGAI GANAL, SALANGOR !. Banyak kulaan nang manyambat , kanapa maka blog tu kada digawil-gawil ?. Sahubungan tu, ulun hudah bajanji handak manyambung pulang pandiran imbah ari raya ...
Bila dipikir-pikir pulang , blog tu ' skopnya ' talalu kipit. Bujur-bujur mancaritakan hal orang Banjar Sungai Ganal haja. Kada banyak pandiran kawa dihabarkan. Jadinya, tapaksa ulun baugah maulah blog lain awan ngaran lain. Blog nang lawas tu kira-kira ' masuk muzium '.....
Insya Allah dalam blog PANDIRAN BANJAR ni banyak papadahan, pandiran atawa pabincangan nang kawa diulah. Kawa pulang kulaan nang lain manyambungi amun kapingin umpat bapandir. Kawa jua mamasukkan gambar amun sasuai atawa ada bakanaan.
Ulun maulah ' sukatan kawasan ' PANDIRAN BANJAR ni kaya nang disambat oleh paguruan wayah kursus wartawan bahari. Ujar hidin, napa nang didangar, napa nang ditiring, napa nang dirasa , sunyaan kawa diulah ' barita '.
Jadinya, napa nang handak dipandirkan dalam PANDIRAN BANJAR ni kayaitu pang jua !. Salain tu, ulun bapacang manambahi ' make up ' mana nang patut maikut kasasuaian.( Ayu haja siapa nang bisa, mamadahkan ka ulun - Baguru tu sampai ka liang lahat pang ! )
Jadiam dahulu sabagai pambuka pandiran. Napa komen kulaan sabarataan ?.
Salam hormat:
Elbi - Tel: 019-9114470
06 Oktober 2008 / 06 Syawal 1429.
Bila dipikir-pikir pulang , blog tu ' skopnya ' talalu kipit. Bujur-bujur mancaritakan hal orang Banjar Sungai Ganal haja. Kada banyak pandiran kawa dihabarkan. Jadinya, tapaksa ulun baugah maulah blog lain awan ngaran lain. Blog nang lawas tu kira-kira ' masuk muzium '.....
Insya Allah dalam blog PANDIRAN BANJAR ni banyak papadahan, pandiran atawa pabincangan nang kawa diulah. Kawa pulang kulaan nang lain manyambungi amun kapingin umpat bapandir. Kawa jua mamasukkan gambar amun sasuai atawa ada bakanaan.
Ulun maulah ' sukatan kawasan ' PANDIRAN BANJAR ni kaya nang disambat oleh paguruan wayah kursus wartawan bahari. Ujar hidin, napa nang didangar, napa nang ditiring, napa nang dirasa , sunyaan kawa diulah ' barita '.
Jadinya, napa nang handak dipandirkan dalam PANDIRAN BANJAR ni kayaitu pang jua !. Salain tu, ulun bapacang manambahi ' make up ' mana nang patut maikut kasasuaian.( Ayu haja siapa nang bisa, mamadahkan ka ulun - Baguru tu sampai ka liang lahat pang ! )
Jadiam dahulu sabagai pambuka pandiran. Napa komen kulaan sabarataan ?.
Salam hormat:
Elbi - Tel: 019-9114470
06 Oktober 2008 / 06 Syawal 1429.
Langgan:
Catatan (Atom)